經濟

小琴密語

投資策略

下一篇
上一篇

匯控大地震 平保澄清唔關佢事

【明報專訊】匯控(0005)近期大地震,行政總裁范寧(上圖)上周辭職後匯豐銀行大中華區行政總裁黃碧娟(下圖)亦喺數日後請辭,事件一度喺網上引發猜測兩人辭職,同持有7%股權的中國平安(2318)有關。平保噚日就回覆內地媒體,平保入股匯控純屬公司保險資金嘅財務投資,冇參與任何日常經營同管理。

兩人請辭後,上星期有網民以至內地媒體,將事件同匯控按監管規定向美國匯報資料,導致華為副董事長孟晚舟在加拿大被扣押連上關係,最終喺中資大股東平保影響下請辭。匯豐中國前日喺微信公眾號發文,聲明近日兩名高管人事變動相互關連基於股東就外部事件施壓導致嘅結果,係毫無根據嘅謠言。

匯豐股權結構分散,大多在基金手中,董事會由專業經理人組成,其實平保只係有7%股權,就算想話事,都唔係咁易。

email: piano@mingpao.com

[小琴密語]

相關字詞﹕辭職 平保 匯豐 孟晚舟 華為

上 / 下一篇新聞