經濟

小琴密語

投資策略

下一篇
上一篇

騰訊劉熾平當年是狀元

【明報專訊】噚日中學文憑試放榜,再有12名狀元誕生,其實過往香港已經產出為數不少嘅狀元精英,到咗今日好多狀元都成為各行各業嘅領軍人物。29年前嘅《華僑日報》刊登當年會考放榜情况,當年有兩位十優狀元,22位九優狀元,當中九優狀元嘅名字估計就是大家都熟悉嘅騰訊(0700)第二把交椅、總裁劉熾平。

今年46歲嘅劉熾平喺傳統名校英皇書院讀書,與1990年《華僑日報》所報道嘅「劉熾平」狀元資料,包括就讀嘅中學及會考年份脗合。小琴曾經向騰訊方面查詢,發言人就話,未能回應關於管理層嘅私人問題。原來當年社會已關注狀元對社會時事嘅看法,報道仲訪問當時嘅學生「支持何人參選立法局?」及「會否移民?」,當時劉熾平分別回答,「無意見」及「可能會」。不過,劉熾平最後都選擇到美國大學升學,其後加入高盛工作,2003年時協助騰訊上市,並獲馬化騰賞識,2004年加盟騰訊,從此平步青雲!

[小琴密語]

上 / 下一篇新聞