經濟

小琴密語

投資策略

下一篇
上一篇

喜茶獲騰訊等新輪融資 估值達90億人幣

【明報專訊】內地「茶飲一哥」喜茶噚日傳來喜訊,有指喜茶即將完成騰訊(0700)、紅杉資本領投嘅新一輪融資,估值達90億人民幣。不過,騰訊及紅杉均不予置評。

其實早在5月中喜茶已傳出由騰訊及紅杉完成融資嘅消息,估值達80億人民幣,但消息隨即遭各方否認,未知今次江湖傳聞會唔會又係子虛烏有。

巧合嘅係,同日內地新興咖啡龍頭瑞幸咖啡喺北京宣布,全國推出10多款小鹿茶產品,正式進軍新式茶飲行業,希望喺茶飲市場佔一席位。

現時瑞幸咖啡已經喺全國40個城市開設近3000家直營門店。據消息指早在4月,小鹿茶已經喺廣州及北京上線測試。無獨有偶星巴克於4月推出8款全新茶飲,被外界認為星巴克與瑞幸競爭咖啡市場後,又轉移戰場至茶飲。

[小琴密語]

相關字詞﹕融資 喜茶

上 / 下一篇新聞