經濟

小琴密語

投資策略

下一篇
上一篇

羅康瑞朱玲玲為10對新人證婚

【明報專訊】瑞房(0272)主席羅康瑞上星期六同太太朱玲玲去咗公司佛山項目「佛山嶺南天地」,不過佢哋唔係去視察,係去做證婚人。

原來佛山嶺南天地入面有棟逾300年歷史嘅清代文物建築「文會里嫁娶屋」,係以前百姓用來辦嫁娶喜事嘅地方,所以自2013年起,嶺南天地每年都會開放嫁娶屋舉辦中式集體婚禮,而且會跟以前婚禮集俗,包括新人著中式裙褂,新娘坐花轎,然後有儀仗隊同八音鑼鼓帶領前行,去到嫁娶屋外面,新郎要踢轎門,仲有跨火盤等傳統儀式;然後由大妗姐引領新人入嫁娶屋內拜堂成親,並由新郎掀新娘頭巾、合巹交杯、拜天地,最後向父母敬茶,真係乜都跟足。

今年10對新人分別來自廣佛、潮汕、香港,乃至河南、遼寧等,羅康瑞、朱玲玲,同佛山當地政府代表負責證婚。不過計小琴話,如果羅康瑞同朱玲玲可以親身示範踢轎門、合巹交杯,仲拜埋天地呀,咁就更加精彩了。

email:piano@mingpao.com

[小琴密語]

相關字詞﹕嶺南天地 證婚人 朱玲玲 羅康瑞

上 / 下一篇新聞