經濟

小琴密語

投資策略

下一篇
上一篇

中銀發員工指引 回應《逃犯條例》查詢

【明報專訊】《逃犯條例》修訂爭議繼續成為城中熱話,噚日香港再有大型示威活動。早前有網民呼籲取消中資銀行戶口,拎走存款,龍頭中銀香港(2388)首當其衝,小琴收到消息,中銀早前向前線員工派發指引,教導佢哋點回應客戶有關修例嘅查詢。

中銀香港今次指引對修例未有任何立場,只係話如果客戶直接詢問有關條例修改嘅問題,可以咁回應:「先生/女士,唔好意思,我哋主要幫客戶處理同解答銀行業務相關問題,請你理解。請問你想了解中銀香港邊樣服務或產品,等我為你解答下……」。小琴有向中銀公關部門查詢,小琴都正在等緊他們答覆。

上個禮拜初曾有網民提議,透過到中資銀行提款向內地施壓,據中銀內部人士表示,近日的確有客戶因為《逃犯條例》修訂而取消戶口,但只係零星個案,而前線同事亦不時會被客人問修例問題。

email:piano@mingpao.com

[小琴密語]

相關字詞﹕銀行 存款 中銀香港 逃犯條例 小琴

上 / 下一篇新聞