經濟

小琴密語

投資策略

下一篇
上一篇

假髮商訓修 計劃進軍非洲

【明報專訊】「假髮股」訓修實業(1962)行政總裁兼主席張有滄(圖中)噚日同小琴講,公司打算進軍一站式醫學護髮界,𠵱家同緊幾家內地同香港嘅生髮中心傾緊,希望一至兩年內就可以進行收購,如果反應可以,仲打算進攻韓國市場。不過最令小琴有興趣嘅,係公司仲打算進軍非洲,原來當地人都對假髮有需求。

尼日利亞請人做市場研究

訓修前年上市前已經喺孟加拉設有生產線,地租同人工都平過內地,𠵱家93%嘅產量都來自孟加拉,內地產量得番7%,相信過多一、兩年會跌到5%,主要只做產品研發。集團喺孟加拉興建漂染中心及包裝中心,前者就為咗豐富公司的產品組合,迎合美國地區嘅黑人客群口味,而後者就可以令到公司出貨時間由一至兩個月縮短至三星期。張有滄仲話未來3年打算打入非洲市場,睇中非洲人對假髮產品嘅需求,而且當地電商都慢慢開始發達起來,已經喺尼日利亞請咗兩個同事做市場研究同埋搵緊當地嘅合作伙伴。

[小琴密語]

上 / 下一篇新聞