經濟

小琴密語

投資策略

下一篇
上一篇

吉利否認員工減薪

【明報專訊】內地車市今年可以話係陷入寒冬,銷售持續負增長。大勢所趨之下,吉利(0175)汽車銷量亦出現下滑。噚日網上更流傳一份聲稱係吉利內部申請書,書中內容寫有「在汽車行業整體市場面臨巨大挑戰的形勢下,本人自願申請下調工資及年終獎金XX元作為經營共擔金」,被網民視為吉利要求員工變相減薪。

不過,吉利集團副總裁楊學良好快就透過個人微博澄清,指公司各項經營指標良好,發展穩健,並冇所謂減薪情况。佢又解釋,公司5月開始進行薪酬調整工作,優秀員工加薪幅度高達30%,而為加強中高層使命感同目標感,佢哋可以自願加入經營結果共擔激勵機制,即係如果能夠完成工作目標,回報將會更高。

中高層可加入經營結果共擔激勵機制

雖然吉利澄清公司員工減薪傳聞,但旗下富豪汽車(Volvo)早前就承認削減部分崗位,但強調受影響主要係顧問職位,工人唔會受到影響。

email:piano@mingpao.com

[小琴密語]

相關字詞﹕澄清 減薪 富豪汽車 吉利

上 / 下一篇新聞