經濟

小琴密語

投資策略

下一篇
上一篇

小米潛水四成 股東不離棄

【明報專訊】好多人都話「歡場無真愛」,股市亦然。不過小琴相信呢句話未必用到喺小米(1810)小股東身上。事關小米嘅股價由上市至噚日,不夠一年已跌超過四成,噚日股東會上仲有小股東向小琴打開心窗,話雖然股價累跌唔少,但長遠仍然睇好公司前景,會繼續持有。而有「雷布斯」之稱的小米創辦人雷軍全程無見記者,由「秘密通道」進出會場。

股東:小米股票「夠平」

雖然小米股價跌足四成,但一班股東就撐到底。當中股東陳生指出,仍然會考慮繼續持有小米的股票,因為「夠平」、相信公司仍有前景。股東鄧小姐亦指出,睇好5G發展,預期小米可受惠的行業,加上其股票估值唔高,「十零蚊,咪算囉!」

另一股東鍾小姐亦表示仍會支持小米,認為其業務發展情况不俗,尤其喺中國嘅手機業務頗佳,有小米股東嘅會上問管理層中美貿易戰的影響,公司表示「目前分析還沒造成直接的影響」,但強調公司會高度關注問題。

[小琴密語]

上 / 下一篇新聞