經濟

小琴密語

投資策略

下一篇
上一篇

太興衝出香港 台灣開首家分店

【明報專訊】太興集團年初遞交完上市申請,話咁快又有新發展,今次仲要衝出香港,去到台灣開設首家分店。集團旗下位於微風台北車站2樓嘅「太興餐廳」噚日正式開幕,佔地2500方呎,一共設98個座位。

太興就話,希望將香港美食帶去台灣,例如「五星級燒肉」、「牛柳絲瑞士汁濕炒河」同埋「冰鎮奶茶」等等,向台灣人推廣香港嘅茶餐廳文化,未來都會繼續擴展當地業務。

睇番太興嘅快餐同業,大部分都集中在香港、內地發展,只得翠華控股(1314)上年喺新加坡開設首家分店,唔知港式茶記喺海外競爭會唔會冇咁大。小琴又諗起,前排網上瘋傳太興嘅「自動炒河機」片段,每個炒河步驟都會有語音提示,廚師就會跟住做,拋鑊就由機器負責,唔知台北分店又會唔會有「自動炒河機」呢?

[小琴密語]

相關字詞﹕台灣 台北車站 燒肉 茶餐廳文化 冰鎮奶茶 自動炒河機 太興 太興茶餐廳

上 / 下一篇新聞