經濟

小琴密語

投資策略

下一篇
上一篇

小小超關愛長者:70歲優先進場

【明報專訊】香港上市公司每年都要搞股東大會,好多散戶都鍾意參加吓支持吓,順便同管理層表達一下對公司服務嘅意見。噚日香港電訊(6823)舉行股東會,不少長者散戶到場支持,但有位83歲小股東不滿入場安排,炮轟主席李澤楷一眾管理層「要對老人家好啲」,李澤楷聽完唔單止冇嬲,仲話會檢討安排,方便年紀較大嘅股東參加。

香港電訊股東會上,有長者股東喺提問環節直指:「我被你哋折磨,企咗一個鐘先入到會場。」佢仲寄語管理層要善待老人家,李澤楷聽完後冇黑面,反而大曬親民風,「要(老人家)等一個鐘係冇道理。」仲建議明年股東會上,「70歲以上股東可以提早進入會場」。

另外,有長者股東批評一定要用香港電訊先可以用平安鐘(編按:另有電訊公司可提供平安鐘服務),李澤楷就解釋,公司已用最優惠嘅價錢提供電話網絡,如果有其他公司比香港電訊平,隨時可以換電訊商,集團冇喺平安鐘服務賺錢。

email:piano@mingpao.com

[小琴密語]

相關字詞﹕關愛 股東會 李澤楷 老人 上市公司 香港電訊

上 / 下一篇新聞