經濟

小琴密語

投資策略

下一篇
上一篇

1881公館開幕 小超兄弟罕有同場

【明報專訊】早排小小超李澤楷私人投資富衛保險集團(FWD) 向長實(1113)承租咗尖沙嘴前水警總部、香港旅遊購物地標「1881」內嘅古蹟酒店,改名做「1881公館」。噚日1881公館正式開幕,李澤鉅同李澤楷兩兄弟就罕有喺父親、長和系創辦人李嘉誠不在場之下「同框」,畫面非常難得!

分開坐交流不多

其實長和系創辦人李嘉誠一早安排兩個仔李澤鉅、李澤楷各自發展,擁有自己私人投資富衛的李澤楷除咗李嘉誠基金會活動外,好少單獨同哥哥李澤鉅同場,所以吸引咗數十家傳媒採訪。

小琴現場所見,李澤鉅、李澤楷兩兄弟喺開幕過程中交流不多,由入場、座位到主禮安排均分開,仲隔住有份主禮嘅富衛董事局主席夏佳理同行政長官林鄭月娥。

不過,兩兄弟就好有默契,儀式結束後齊齊直接離場,無接受訪問。據了解,李嘉誠暫時仲未親臨參觀新開幕嘅1881公館。

富衛:不排除與長實合作

今次係李嘉誠退休後的長實、富衛的「初接觸」,引來不少遐想。問到長實可有畀優惠價,或雙方未來合作,富衛大中華區常務董事兼香港行政總裁柳志堅就指未有計劃,但唔排除與不同公司合作可能性,並強調承租古蹟1881係商業、獨立嘅考慮,按市場價承租。富衛亦會喺項目設立客戶服務中心,畀市民及客戶查詢。

email:piano@mingpao.com

[小琴密語]

相關字詞﹕柳志堅 1881公館 長和 長實 李澤鉅 李澤楷 富衛 小琴密語

上 / 下一篇新聞