經濟

小琴密語

投資策略

下一篇
上一篇

華人文化獲內地院線牌 TVB有無合作機會?

【明報專訊】電視廣播(TVB)(0511)上年投資星美控股(0198)債券,結果買咗唔夠半年就遇到星美大地震兼爆煲,TVB一方面唔想接手星美啲戲院,又要無了期乾等星美債務重組結果, 實在頭痛。之不過,TVB主要股東、有「中國梅鐸」稱號嘅黎瑞剛為首嘅華人文化,就一於少理,實行大搞影業一條龍,仲攞到國家電影局批出跨省電影院線牌照,成為喺過去3年首批再次攞到院線牌照嘅公司之一。

全國25城市擁53家戲院

華人文化旗下院線叫做UME,喺2017年收購回來,目前喺全國25個城市核心區域投資同營運53家高端影院,喺2018年收入有近10億元人仔,仲有成2200萬觀眾入場捧場。華人文化大搞院線。小琴心諗,唔知第日TVB會否考慮,除咗投資吓電影公司、開拍電影同美劇,不如做埋UME嘅股東,搞埋內地院線呢?

[小琴密語]

相關字詞﹕電影院 黎瑞剛 華人文化 tvb

上 / 下一篇新聞