經濟

小琴密語

投資策略

下一篇
上一篇

陳茂波探「小i機器人」

【明報專訊】陳茂波嘅4000蚊派錢計劃一直被指「錯綜複雜」,市民唔單止要填表,仲要交番實體表格畀政府,差少少以為陳茂波唔識用電腦科技,不過噚日陳茂波就去咗人工智能(AI)公司「小i機器人」位於香港嘅亞太地區總部參觀,了解智慧金融、智慧城市同智能醫療等領域嘅發展,同最新應用方案,唔知參觀完,會唔會刺激陳茂波整番個「智慧派錢」方案呢?

袁輝期待與港府港企合作

陳茂波同「小i機器人」創始人兼董事長袁輝交流咗有關香港AI的發展、用AI推動經濟同產業應用嘅意見。袁輝就期望,香港可以加快智慧城市同金融科技,喺公私營領域為科技企業同人才創造更大的發揮空間。袁輝仲講到,公司非常期待同港府及本地企業合作,將智慧城市嘅經驗同技術帶入香港,從而提升營運效率。今次派錢搞足成年,如果下次陳茂波用AI派錢,相信一定可以加快成個流程嘅!

email:piano@mingpao.com

[小琴密語]

相關字詞﹕小i機器人 科技企業 人工智能(ai) 智慧城市 小琴 陳茂波

上 / 下一篇新聞