經濟

小琴密語

投資策略

下一篇
上一篇

賈躍亭傳回國配合中證監調查

【明報專訊】上月底中證監宣布,就涉嫌違規披露信息等行為,正式對樂視網及大股東賈躍亭立案調查,噚日一間內地科技新聞網站隨即報道,話一直身處美國嘅賈躍亭會回國配合調查。樂視網對呢個傳言就冇任何回應,不過有公司內部人士表示,目前必須以上市公司公告為準,叫大家唔好輕信謠言。

2017年7月離境後一直無回國

咁究竟賈躍亭會唔會回國助查呢?小琴就覺得機會極微。事關自從2017年樂視網財困爆煲,賈躍亭同年7月聲稱因為要打理電動車公司FF業務去美國之後,就一直冇回國,就算當時有關樂視網嘅債務問題被有關部門傳召,賈躍亭都只係委託老婆甘薇和哥哥賈躍民回國處理,而𠵱家講緊仲係違規信披,有可能要負上刑責,賈躍亭又點會回國?

再講,就算唔駛負刑責,但賈躍亭欠緊幾十億債務,怕佢落機嗰一刻,唔止中證監嘅人接機,隨時仲有班債主等緊佢,你話佢仲點會敢返去呢?

email:piano@mingpao.com

[小琴密語]

相關字詞﹕違規信披 樂視網 中證監 賈躍亭

上 / 下一篇新聞