經濟

小琴密語

投資策略

下一篇
上一篇

花旗人幣定存 7.5厘息咁筍?

【明報專訊】銀行不時推出短期嘅高息定存優惠吸新客,不過好似花旗咁推1個月人民幣定存有7.5厘就真係好少有,優惠只限全新客戶,但係要用以22萬港元等值貨幣兌換人民幣,不能直接放人民幣,優惠唔可以透過網上或流動電話理財搞,必須於分行開戶。

要用港紙再兌換人民幣

睇番今日1個月人民幣同業拆息報2.77厘,3月底本港人民幣資金池仲有6000億,人民幣匯率近期穩定,照計畀到7.5厘息就唔係因為銀行缺人仔,而係想用嚟吸新客。參考市場需要兌換嘅人民幣定存,富邦1個月定存有4.88厘息,最低起存10萬人仔(約11.6萬港元)以上。

雖然7.5厘真係好吸引,不過留意番,首先要幫襯花旗將港紙轉人民幣,完咗後如果唔想留人仔要兌番做港紙,中間係要俾銀行食差價。優惠由即日起至5月31日,所有利率可能隨時變更而不另行通知,優惠利率名額有限,額滿即止。

email: piano@mingpao.com

[小琴密語]

相關字詞﹕人民幣 定期存款 花旗

上 / 下一篇新聞