經濟

小琴密語

投資策略

上一篇

優品360°月月以身試「伏」

【明報專訊】唔少市民可能都試過「中伏」買到難食嘅零食,本地休閒食品零售商優品360°(2360)噚日搞咗個傳媒試食大會,由行政總裁許志群親自揭露佢哋點揀零食,仲自爆公司每月定期搞試用、試食會,實行「以身試伏」,表明「伏就等我哋中,好嘢留番賣畀你哋」,令一眾顧客安心消費。

月試百多款零食

噚日優品360°提供十數款零食畀傳媒試食,主力調查有關價錢、包裝、味道、容量四方面。許志群話自己基本上每次試食會都參加,每次試二、三十款,通常試十款淘汰五、六款,按公司每月新推50至60款新品計算,即係佢哋要試百多款先搵到合心水產品,咪話唔辛苦。

收集意見推自家品牌

噚日許志群就點名一隻提子水味道較伏,又推介代工生產(OEM)的自家品牌果乾。許志群認為,客戶除咗以價錢、味道行先,包裝吸唔吸引,容量係咪切合需要都很重要,所以有時集合試食、客戶的意見,可能會將部分受歡迎產品以自家OEM形式生產銷售,目前已經有自家品牌的濕紙巾、罐頭鮑魚、栗子果乾、堅果等。

他又透露,近期平均每張單價已回升到79元水平,公司維持薄利多銷嘅經營方式,並期望毛利率每年有輕微提升,亦不會大規模加價。

[小琴密語]

上 / 下一篇新聞