經濟

小琴密語

投資策略

下一篇
上一篇

美圖手機發「告別信」 股價跌1.48%

【明報專訊】舊年美圖(1357)宣布,授權小米(1360)生產銷售旗下手機,變相賣甩手機業務,前日美圖手機就喺微博發表「告別信」,透露美圖V7將會是最後一款由美圖研發生產銷售嘅手機產品,不過寫到再感性都無用,投資者好決絕,美圖噚日股價跌1.48%,報3.34元。

美圖寫明封帖文係「一封告別信」,但亦是「一份回憶錄」,仲引用台灣歌手張震岳《再見》歌詞「我怕我沒有機會,跟你說一聲再見,因為也許就再也見不到你」。美圖喺微博話,整一部令更多人變靚嘅手機,意味着小眾,亦意味着體量小,無法降低成本去迎合愈演愈烈嘅價格戰,所以集團即將在年中關閉手機業務,將旗下美圖手機的品牌獨家授權給小米集團。

美圖仍負責售後服務

美圖同小米合作嘅第一款手機將喺今年中發布,之前售出嘅美圖手機,美圖依然負責售後服務。

[小琴密語]

上 / 下一篇新聞