經濟

小琴密語

投資策略

下一篇
上一篇

海航售殼股予原「殼主」 用番原「殼名」

【明報專訊】人長大了,就知道好多事無辦法返轉頭,不過小琴唔係想同大家講人生有咩遺憾,皆因其實有啲事係可以返轉頭,好似原本畀海航系入主咗嘅細價股嘉耀國際(1626),之前改咗名做旅業國際,不過碰上海航手緊,近排將股權賣番畀原「殼主」,事隔兩年又物歸原主,改返名做嘉耀之餘,原主淨賺6820萬,邊個話好馬不吃回頭草?

海航旗下海航旅遊喺2016年尾入股嘉耀,早排將公司65.2%股權賣返畀原來嘅公司老闆楊詠安同豐斌,海航蝕少少,但至少可以套現番3.23億元。

查實嘉耀呢幾年業務基本上沒大變,繼續經營紙質卷煙包裝同社會產品紙質包裝業務。𠵱家個上市地位「物歸原主」,噚日公司仲話要改名,用番原來嘉耀國際個名,一來一回真正係「回到未嫁時」,又唔知第日會唔會有機會再嫁過呢?

[小琴密語]

相關字詞﹕豐斌 楊詠安 海航 旅業國際 嘉耀國際

上 / 下一篇新聞