經濟

小琴密語

投資策略

下一篇
上一篇

Airbnb抽獎請客 豪住豪玩羅浮宮

【明報專訊】去旅行正常都係住酒店同民宿,有冇諗過可以住博物館?網上住宿預約平台Airbnb就同法國羅浮宮合作,舉行抽獎活動,只要去指定網站填寫個人資料,再回答一條問題,就有機會得獎,可以帶多一個朋友喺4月30日享受貴賓級招待,欣賞蒙娜麗莎畫作、食大餐、聽音樂會,最後再入住為慶祝玻璃金字塔建成30周年而特別設計嘅「迷你金字塔」(圖)。

Airbnb法國總經理Emmanuel Marill就話,羅浮宮係巴黎其中一個最受歡迎同最出名嘅機構,今次合作可以透過獨特體驗感受巴黎社區。

除咗住宿一晚之外,Airbnb同羅浮宮仲會推出其他一系列獨家體驗,例如獨家導賞同近距離聽音樂會,未來幾個星期就會公布詳情,屆時可以喺Airbnb平台預訂,有興趣就要把握時間,因為這些體驗只限5月至年底。

[小琴密語]

相關字詞﹕蒙娜麗莎 巴黎 玻璃金字塔 羅浮宮

上 / 下一篇新聞