經濟

小琴密語

投資策略

下一篇
上一篇

鄭家三代同堂做善事

【明報專訊】潮流興多代同堂支持公司或慈善活動,周大福集團同新世界發展(0017)鄭家噚日三代同堂,包括鄭裕彤夫人周翠英、周大福慈善基金名譽主席鄭家純、周大福慈善基金主席鄭家成、第三代嘅鄭志剛、鄭志雯、鄭志明及鄭志亮,齊齊出席中文大學舉行嘅「鄭家純國際會議中心」命名典禮。同嫲嫲感情向來要好嘅鄭志剛,除咗坐喺嫲嫲旁邊照顧佢外,仲同嫲嫲鬼馬合照。「鄭家純國際會議中心」原來係以已故彤叔命名嘅中大鄭裕彤樓入邊,今次周大福慈善基金捐助翻新一、二樓嘅設施,建成一個設備先進而全面嘅會議場地,畀中大舉辦更多國際級學術會議及活動,促進知識傳播和交流。除咗鄭家一家三代同堂老中青一齊出嚟撐慈善活動之外,希慎興業(0014)利家四代亦試過一齊撐場支持公司活動,呢啲經典場面始終難得,千載難逢。

上 / 下一篇新聞