經濟

小琴密語

投資策略

下一篇
上一篇

嘉士利唔做餅仔做財仔

【明報專訊】近年不少民企除咗做實業,仲流行做吓其他金融業務,好似隻賣餅乾嘅嘉士利(1285)噚日公布向獨立第三方借出3500萬元(人民幣‧下同)嘅一年期定期貸款,年息17厘,每季末支付,實行做埋財仔食息。

不過,做開餅仔無啦啦去做財仔到底為咩?公司就無解釋,但表示今次會用內部資源借錢畀人,入帳為應收貸款。

睇返公司往績,原來係2018年中期及2017財年都有做過此類貸款,總本金額分別為5000萬元及3500萬元,但當時嘅貸款就無抵押兼利息低少少,介乎12.5厘至16厘之間,同今次貸款人提供已抵押資產清單5億元不同。

不過,借錢始終有風險,好似截至6月底嘅應收貸款確認減值撥備473萬元,中期期間損益確認減值撥備為141.9萬元。

[小琴密語]

相關字詞﹕撥備 財仔 嘉士利 小琴密語

上 / 下一篇新聞