經濟

小琴密語

投資策略

下一篇
上一篇

恒大:賈躍亭冇交租被斷暖氣

【明報專訊】為了股權之爭,賈躍亭旗下電動車公司法拉第未來(FF)同大股東恒大健康﹙0708﹚嘅口水戰就好似中美兩國就貿易摩擦隔岸開火一樣。例如呢個月傳出廁所冇廁紙,然後日前再爆公司冇暖氣嘅FF中國北京辦公室,恒大邊就話間公司嘅租賃合同係由賈躍亭邊簽訂,佢哋冇交租所以畀業主閂暖氣喎。

FF恒大口水戰 媲美中美貿易戰

但係FF美國方面噚日立即反擊,話去年底同恒大達成協議後,恒大已經接管FF中國財務部同資金部,而今年7月雙方簽署補充協議後,FF中國嘅北京、上海、廣州及成都分公司基本上所有營運都已經由恒大接管。其中恒大集團派駐嘅高層管理人員劉俊,就係負責北京區域綜合管理工作。FF美國仲話,目前花費於造車方面資金大致為125億元人民幣左右。由於早期唔希望稀釋太多股權,所以賈躍亭最初主要係通過可轉債方式獲取資金,FF美國方面強調,早期投入用於研發汽車嘅資金均為賈躍亭個人投資,資金規模10億美元(約78億港元)左右,言下之意想暗示恒大對FF業務冇貢獻。但小琴多心,既然賈躍亭有成10億美元去投資,點解又唔還一部分樂視負債呢?

[小琴密語]

相關字詞﹕恒大健康 賈躍亭

上 / 下一篇新聞