經濟

小琴密語

投資策略

下一篇
上一篇

保時捷中國四成客係女性

【明報專訊】成日話「香車配美人」,咁到底有幾多女性會揸跑車先?保時捷中國銷售副總裁蕭達就同小琴講,中國市場有四成客戶都係女性,唔似得其他市場男女比例咁失衡,而且普遍都比較後生,平均客戶年齡得37歲,所以消費力好強勁,多數4至5年就會換車!

平均客戶年齡37歲 消費力強勁

蕭達解釋,內地男女地位平等,所以女仔白手興家機會多啲,好多客戶生意都做得好好,難得保時捷今年首3季大中華地區汽車銷量有4%增長!蕭達仲話,雖然中國經濟受中美貿易戰影響,下年可能會出現一啲挑戰,不過相信可以保持增長。

至於香港嘅客人就有少少唔同,平均年齡大約40至50歲,約80%為男性客戶,同歐美市場更加相似。由於市場成熟啲,大多都鍾意追新款,新車款第一年銷量十分強勁,之後就會慢慢回落。不過香港始終是全球保時捷在當地市佔率最大嘅市場,有3.7%咁多。

email:piano@mingpao.com

[小琴密語]

上 / 下一篇新聞