【明報專訊】西九文化區今個月喺上海搞「2025上海西九文化周」，屆時會有唔少香港藝團去上海表演，亦會介紹香港西九展館嘅活動，西九文化區董事局主席唐英年粉墨登場幫手宣傳。唐英年祖籍江蘇，但都識得用上海話拍短片，放上抖音、小紅書等平台，呼籲上海同胞參與。
「希望上海喜歡藝術的朋友，以後來西九遊玩，就像回家一樣。」Emily唔識聽上海話，靠短片字幕先知道唐英年講乜嘢。
上海西九周仲有半個月舉行，西九帶咗7個重點節目去推廣，涵蓋原創展覽、表演藝術及品牌推廣活動。西九周期間，西九同連鎖咖啡品牌MANNER COFFEE聯乘，會換上西九特別設計嘅限定紙杯、杯套和紙袋，並會向顧客贈送西九限量文創禮品。