【明報專訊】民建聯近日推出優惠吸引人做會員，話會員食自助餐、入油、買中成藥，甚至北上睇醫生都有平。優惠包括九龍維景酒店、旺角維景酒店自助餐，君怡酒店自助餐同中餐廳折扣，而會員去中國石化、連鎖中醫藥店位元堂、聯合集團旗下三聯書店、中華書局等商店消費都有折扣。
另外，由立法會選委界別議員、上月底辭任希瑪主席林順潮創立嘅希瑪醫療集團，部分醫療中心亦提供優惠價療程，除咗香港部分診所，仲包括深圳愛康健眼科、牙科同體檢項目。
根據民建聯網站，年滿18歲、「有志於參政、議政，熱心社會事務」、認同民建聯宗旨嘅香港市民，只要畀100元會費同獲兩個選舉會員推薦便可以入會。申請者入會後先成為贊助會員，之後可以申請轉為選舉會員，獲得會內投票權。
相關字詞﹕民建聯
