【明報專訊】東盟10國駐港領事噚日到訪立法會，與立法會主席梁君彥及多名議員交流，並參觀立法會大樓擴建部分。梁君彥喺facebook話東盟係國家與香港值得信任嘅合作伙伴，並期望議員出席會面後，於周四（29日）舉行嘅特首答問會就加強與東盟合作建言獻策。
梁君彥與立法會秘書長衛碧瑤，聯同建制派「班長」廖長江、內委會主席李慧琼等多名議員，噚日與東盟10國駐港領事共晉午宴。之後梁君彥做「導遊」，帶佢哋參觀會議廳、大樓擴建後新建成嘅天台花園、活動廳同議員辦公室。
梁君彥話雙方討論咗如何加強合作，立法會將繼續配合政府促進本港與東盟嘅長遠伙伴關係，又喺會上感謝東盟支持香港爭取加入《區域全面經濟伙伴關係協定》（RCEP），提到東盟係本港第二大貿易伙伴，香港將積極促進與東盟嘅貿易同雙向投資，分享各專業服務領域嘅知識、技術同經驗。