【Emily】今世任務達成 萬寧貓到達「彩虹橋」

【明報專訊】萬寧喺2011年推出一輯電視廣告，以巨型人扮「萬寧貓」同埋佢嘅真身「弟弟」做主角，令弟弟一度成為當年嘅「網紅貓」，直至今年農曆新年萬寧嘅推廣活動，仲見到萬寧貓身影。「弟弟」（圖）係英國短毛貓，身形圓碌碌好可愛，不過近日弟弟已去咗彩虹橋，佢主人喺社交平台話，弟弟陪伴佢哋18年，已經完成今世任務，又上載咗當年嘅廣告片段畀大家重溫，見到弟弟喺廣告入面亮相。睇番當年報道，廣告導演話弟弟好多時「一take過」，好聽話好乖呢。