【Emily】迎太平清醮 長洲渡輪周一加班

【明報專訊】長洲太平清醮快到，新渡輪公布會特別加密中環往來長洲渡輪班次。太平清醮會景巡遊下星期一下晝約1點半舉行，預計當日由中環去長洲嘅人流高峰期喺上晝10點到下晝1點，新渡輪將調動所有可用嘅後備船嚟增加航班數目疏導人流，預期高峰期每個鐘頭載客量會比平日多近兩倍，班次達到一小時接近6班。新渡輪呼籲計劃當日參與會景巡遊嘅市民可以考慮喺人流高峰期前嘅上晝8點至10點前搭船入長洲。