【明報專訊】噚日五一勞動節，爭取勞工權益嘅遊行已絕迹6年。物業管理及保安職工總會同清潔服務業職工會，今年轉陣沙田港鐵站外擺街站派傳單，又「開咪」講外勞等議題。清潔服務業職工會總幹事杜振豪（圖）話，有警員上前拎單張同抄低身分證資料，「嚟咗一陣之後就走咗，留低兩個（警員）看守」，戒備明顯少過前兩年。
杜振豪同前職工盟主席黃迺元前年申辦過五一遊行，其後喺壓力下取消。杜話今年多咗市民接單張同上前傾偈，亦有外勞同佢哋「吐苦水」，分享親身經歷同宿舍環境。佢希望透過街站，畀市民知道「工會仲喺度，有咩事可以搵我哋」。