【明報專訊】今年係東江水供港60周年，政府喺添馬公園及中西區海濱長廊（中環段）舉行緊「舞動水滴展」。政制及內地事務局長曾國衞早前去咗參觀，並由負責創作嘅國際著名藝術家馬興文親自為佢「導航」，介紹展覽兩大亮點，其中之一係高28.8米嘅巨型水滴裝置，馬興文話作品象徵東江水為香港注入生命力、團結共融。
巨型吹氣龍馬「融合天地之氣」
另一個亮點係巨型龍馬吹氣裝置，馬興文介紹時解說「龍」代表天，「馬」代表地，而「龍馬」係故宮《獸譜》中記載嘅八大神獸之一，係天地之氣嘅融合，除咗龍馬精神外亦係仁愛同共融嘅象徵。
曾國衞就話希望市民飲水思源，參與由政府舉辦嘅慶祝活動時可以深入認識祖國同香港，了解國家嘅成就同中華傳統文化，厚植愛國情懷，以振興中華為己任。順帶一提，「舞動水滴展」已開展咗成個月，展期至6月13日。