【明報專訊】美國掀起全球貿易戰，廠商會會長盧金榮認為中東市場對香港嘅重要不言而喻，以減少依賴美國市場。廠商會下個月17日至23日會組團去沙特阿拉伯、科威特同卡塔爾，拜會當地官員及了解投資環境，有興趣嘅企業要喺今個月底前報名。盧金榮話，目前中東着重產業多元化，亦有資金及興趣跟本港廠商或企業合作，今次考察會簽署合作協議，拓展當地市場。
廠商會噚日舉行傳媒午宴，公布本年度10多項重點工作，包括今年6月舉行「國際汽車及供應鏈博覽會（香港）」，展示內地新能源汽車供應鏈發展及低空經濟技術，同月亦會主辦「海峽兩岸和港澳經貿合作研討會」，集中討論人工智能及數字經濟領域嘅區域合作等。
盧金榮建議特區政府拓展中東及非洲等具潛力市場嘅經貿合作，推動簽訂自由貿易協定；而廠商會屬下嘅CMA檢定中心，已開拓清真認證及培訓服務，協助港商拓展清真市場。
