【明報專訊】不少議員都關注香港電台運作，據商經局答覆立法會財委會特別會議嘅議員提問，議員何敬康、林素蔚關注港台電台同電視頻道嘅「收視」如何，港台回覆，作為公共廣播機構，節目製作要考慮不同人需要，涵蓋包括新聞時事、政府資訊、國民教育、體育文化、生活、教育節目等範疇，「故收視率和收聽率並非衡量港台提供公共廣播服務的合適參考指標」。
體演文出界霍啟剛就關心港台6個App嘅用量。舊年最多人用嘅係結合即時新聞、電台直播同Podcasts嘅「RTHK隨身版」，每月使用量10.5萬次，比前兩年都少，2022同2023年分別有13.6萬次同12.3萬次；其次係電台節目為主嘅「RTHK電台」，每月使用量10.3萬次，比前兩年未夠10萬次為多。「RTHK中華五千年」同「RTHK聽‧電視」就無記錄用量。而香港有份協辦嘅全運會今年11月由港台直播、製作節目同推廣，預算開支1.53億元。
