【明報專訊】清明節假期都有唔少交流活動，身兼基本法委員會委員嘅立法會議員李浩然就約咗一批尼泊爾法律系學生相聚香港，帶佢哋同香港青年一齊整手繪青花瓷。學生禮尚往來，向李浩然送上家鄉傳統嘅巴德崗帽（Bhadgaunle Topi）和圍巾哈達（Khada）。
原來今次已經係李浩然同尼泊爾法律學生嘅「三年之約」，連續3年趁佢哋來港參加國際商事仲裁模擬法庭比賽時聚首交流。李浩然帶呢批年輕人去瓷碟手繪工作坊，體驗中華傳統文化，及探討非物質文化遺產保護傳承。
來港參賽 帶體驗手繪瓷
尼泊爾學生分享自己國家點連結中國同南亞地區，香港青年則分享咗香港國際金融中心同文化橋樑嘅角色。李浩然話，青花瓷可追溯到古代中國與西亞原材料和技術來往，係唔同文化互動下產物，時至今日「一帶一路」沿線地區文物也可見到青花瓷影子。