【明報專訊】自由黨議員張宇人之前提出檢視中小學以小班模式教學成效議員議案，喺會上直指提出修正案嘅教育界議員朱國強「改至面目全非」，決定唔動議議案。事隔數日，朱國強喺facebook話個議題上星期無法獲得理性討論，決定以其修正案內容再提出議員議案，Emily睇落就熟口熟面，同張宇人最初嘅原議案都好接近。
朱國強話，將會提出「檢視及評估中小學以小班模式教學的成效」嘅議員議案。睇番張宇人上星期嘅原議案，係「全面檢視中小學以小班模式教學的成效」，朱校長加入「評估」、刪去「全面」，不過，提出議員議案仲要排隊等立法會編配，朱校長呢個仲未係立法會所見嘅正式版本。
「還同僚暢所欲言機會」
朱校長喺facebook話，希望透過今次議案讓議會聚焦、理性討論，「還議員同僚暢所欲言的機會」，相信咁樣先係尊重議會、符合議事倫理嘅做法。
