【明報專訊】政協常委蔡冠深前日嫁女，特首李家超當日去完為遠赴緬甸地震跨部門救援隊送行後，到婚宴酒會並上台祝福新人蔡頌思（Jocelyn）同日裔丈夫中口道博。據網上片段，蔡冠深致辭時多謝李家超抽空嚟，「我同特首講，我個女一生人一次，所以能夠同特首影張相，係佢一生嘅光榮」。
蔡頌思一向活躍社交圈子，參加過選美。婚宴喺四季酒店舉行，政商界雲集，前律政司長梁愛詩負責證婚，同場仲有前特首林鄭月娥、前特首梁振英及太太唐清儀、財政司長陳茂波、行會成員高永文、立法會議員葛珮帆、九龍社團聯會會長王惠貞等，幾個國家駐港外交官都有嚟道賀。