【明報專訊】港產片《九龍城寨之圍城》風靡日本，日本駐港澳總領事三浦潤（圖）自揭都係忠實粉絲，睇咗3次咁多。佢日前去到旅遊發展局同文創產業發展處位於啟德Airside嘅主題展覽參觀，對唔同電影場景製作嘅細緻度讚不絕口，周圍影相。佢仲呼應電影橋段，食埋碗叉燒飯先走，並喺留言冊留言大讚電影精彩，場景十分像真出色，「香港電影最棒了！」《城寨》由來自日本嘅谷垣健治同川井憲次負責動作指導同配樂，佢哋分別入圍今屆金像獎最佳動作設計同最佳原創電影音樂候選名單。
