【明報專訊】第三屆「裕澤香江」今日舉行，噚晚先舉行高峰晚宴，邀請咗現任美國總統高級顧問、Tesla創辦人馬斯克嘅阿媽Maye Musk同牛津大學校長Irene Tracey對談，分享佢哋對女性領導力與傳承方面嘅見解，探討女性領袖喺推動商業、創新及社會發展嘅角色。
晚宴有超過130名來自內地、亞洲、歐洲、美洲、中東嘅家族辦公室決策人同家族成員出席，署理特首陳國基致辭時話，香港匯聚人才同創意，「係一個為前瞻者打造永恆傳承嘅平台，更係一個讓家族辦公室同家族蓬勃發展嘅活力之都」。
嚟香港之前，Maye Musk去咗無錫，仲試坐新推出嘅Tesla Model Y，坐後感當然係大讚啦。佢前年嚟香港玩時，都喺社交平台「X」話喺香港見到好多Tesla，果然係阿仔嘅忠實粉絲。