【明報專訊】「牙齒酸蝕」係指酸性物質侵蝕牙齒表層嘅琺瑯質。香港預防齒科學會調查顯示，25至45歲嘅港人之中，96%出現牙齒酸蝕，「元兇」可能係港人眼中嘅健康飲食。45%受訪者話習慣「以酸代甜」，舉例以檸檬水代替含糖飲料。港大牙醫學院副院長朱振雄話，運動飲品及檸檬茶等酸性飲料含糖分，令人飲用時唔覺得酸，誤墮牙齒酸蝕陷阱。
專家籲勿食完酸嘢即刷牙
學會邀請朱振雄喺今年2月做網上調查，訪問1452個25至45歲嘅受訪者。超過九成受訪者至少有一項牙齒酸蝕嘅徵狀，包括牙齒變細、變黃，邊緣變薄或有崩缺，較17年前嘅同類調查增4個百分點；過半受訪者用錯方法處理問題，好似用牙線、洗牙、飯後即刻刷牙、大力刷牙等，可能加劇問題。
朱建議，正確預防方法應避免正餐之間攝取酸性食物或飲料，攝取後唔好即刻刷牙；用含氟嘅牙膏刷牙；注意胃酸倒流，同埋定期檢查牙齒。
