【Emily】芬蘭前總理訪港 逛灣仔打卡

吳繼煒話港挑戰係外界誤解

馬林任內曾參與派對熱舞備受熱烈討論，佢卸任後都不時去吓旅行同睇演唱會，亦繼續關心國際事務同烏克蘭戰事。而經常周圍飛嘅基匯資本創辦人吳繼煒同阿里巴巴主席蔡崇信家族辦公室藍池資本行政總裁Oliver Weisberg，就喺米爾肯研究院全球投資峰會話，香港最大挑戰係外界嘅錯誤印象（false perception）。吳繼煒話，只要嚟到香港，體會到一兩日內可以約到會面、傾到生意，順手買到藝術作品甚至間屋，有好多嘢可以做，就會意識到西方傳媒讀到嘅只係誤導。

Oliver就話，呢個禮拜可展示香港係營商目的地（place to be）。佢話揀地方開辦公室都係睇可唔可以做到生意，盛讚香港高效；又話自己喺香港30年，無計劃離開。