港聞

港聞二

【Emily】浸大新聞工作者學人又接受報名

【明報專訊】好多人工作一段時間會停一停去進修,浸會大學近年有一個「香港浸會大學新聞工作者訪問學人」計劃,資助傳媒行家休假,以全職學生身分進修,旁聽浸大任何本科或碩士課程科目,為期一個或兩個學期,並會根據訪問學人嘅薪酬同新聞工作經驗提供相應津貼,確保行家喺休假進修期間得到財政支持。新一期計劃又開始,喺新聞機構工作5年或以上嘅全職新聞工作者可以申請。

呢項計劃由被稱為「香港電視新聞教父」嘅黃應士捐款支持。過去3屆先後有9名新聞工作者參加。黃應士鼓勵傳媒機構提名員工參加今年計劃,畀行家重返校園,學習新聞以外嘅知識,並喺返回工作崗位後將所學回饋新聞機構,從而推動業界進步及長遠發展。

浸大新聞系系主任暨專業應用教授李文形容,訪問學人計劃係雙贏計劃,一方面訪問學人可以趁機充電學習,另一方面資深媒體人喺校園亦會分享實戰經驗,令浸大師生獲益。

相關字詞﹕

上 / 下一篇新聞