【明報專訊】全國港澳研究會理事黃梓謙去咗做前海「首席港澳聯絡專家」，近日仲接待來自香港嘅朋友，就喺關注交通事務嘅立法會議員張欣宇及佢團隊。前海管理局好貼心，安排有自動駕駛系統嘅小馬智行車輛招呼張欣宇，從深圳灣口岸接載佢去前海唔同地方參觀。
張欣宇並乘機同小馬智行、商湯科技和輕舟智航企業代表交流，了解前海和香港嘅自動駕駛車輛規管及使用情况。
張欣宇就向前海嘅朋友，介紹香港測試和使用自動駕駛車輛嘅詳細技術、安全和操作要求。
黃梓謙就話，深港合作係前海嘅工作主線，期待前海同香港有機會喺自動駕駛車輛技術領域合作，探索未來更廣泛地使用自動駕駛技術，為關鍵技術落地應用和產業鏈條打造提供支持。