【明報專訊】「珠寶雙展」今個月舉行，其中第11屆香港國際鑽石、寶石及珍珠展噚日至星期四（6號）喺亞洲國際博覽館舉行，為買家蒐羅頂級鑽石、寶石及珍珠原材料，展覽噚日揭幕，並由商務及經濟發展局長丘應樺（中）擔任主禮嘉賓，之後佢就去咗觀展，其間Emily見丘應樺似乎被一條珍珠頸鏈吸引，駐足觀賞，仲輕輕摸上手。至於第41屆香港國際珠寶展，將由聽日至星期六（8號）喺灣仔會議展覽中心舉行。今年珠寶雙展吸引超過40個國家和地區約4000家參展商參與，近七成來自香港以外地區。
