【明報專訊】無國界醫生噚日舉行「救援在野」慈善跑步比賽，超過3000個跑手喺香港科學園起步，挑戰10公里、3公里及「救援GO！」定向體驗賽，參賽者年齡介乎4歲至近80歲。賽事踏入第23年，今年新增隊際賽同企業隊際賽。
「香港四徑超級挑戰2025」嘅「生還者」梁康翹就完成10公里賽事，佢覺得比賽氣氛熱烈，同越野跑感覺唔同，好開心有機會為慈善出一分力。另外，藝人江嘉敏、8名無國界醫生前線救援人員都有份落場跑。
至於「救援 GO！」定向體驗賽，七成參賽者係家庭隊伍，佢哋限時內要喺科學園完成10個挑戰，包括平板支撐等體能挑戰，同有關無國界醫生救援工作嘅遊戲，成功者獲得無國界醫生聯乘本地插畫「PJai and Friends」同「癲噹」推出嘅紀念品。
相關字詞﹕無國界醫生