【明報專訊】香港太古可口可樂今年60周年,4月會喺西沙GO PARK舉行跑步賽,分3公里及6公里賽,仲有非競賽形式嘅600米親子障礙跑,由一個成人同一個6至11歲小童組隊,完成5個障礙及挑戰項目,頭240組可以免費參觀香港可口可樂博物館,呢個館平時只限團體預約參觀。
活動喺4月13日早上舉行,已接受網上報名,成功報名後可獲得選手包,當中有活動版嘅紀念品,亦有復古版搖搖。除咗賽跑,現場都有花式搖搖表演同其他攤位遊戲。
參加3公里同6公里賽嘅報名者須分別年滿12歲同16歲,其中6公里賽設隊際賽,報名費一律每人380元,2月11日前於香港太古可口可樂eShop購物滿399元,上載相關單據,可以200元報名;冠亞季軍可獲運動用品店300至800元現金券。至於親子障礙跑報名費每隊600元,2月11日前以上述單據報名就420元。