港聞

港聞二

【Emily】粵語辦年貨 電車法籍高層講價成功

【明報專訊】外國人喺香港過農曆新年,唔少得學番兩句廣東話入鄉隨俗。香港電車噚日分享短片,話公司兩位法籍高層——董事總經理Paul Tirvaudey同交通部主管Guillaume Turillon今年都決定挑戰用廣東話辦年貨。片中兩人搭電車出發,Paul喺灣仔買富貴竹,店主一開始話8枝賣300元,Paul聽到後即刻交足戲皺晒眉,然後用廣東話同店主講價,「平少少啦」,最終殺價20元。

點解係買8枝富貴竹?Paul話知道「8」喺中文屬幸運數字,仲趁機賣廣告,話公司嘅特別電車隊例如派對電車、古典電車等編號都係18、28、68、128。

Guillaume就喺北角春秧街用100元買咗一底蘿蔔糕同年糕,但唔知係咪廣東話未夠Paul熟練,所以無講價;佢話兩款糕同電車一樣都係香港製造,「好嘢嚟」。最後兩人返車廠同員工食開年飯,一齊用廣東話向市民拜年,祝大家「金蛇獻瑞、出入平安」。

相關字詞﹕

上 / 下一篇新聞