港聞

港聞二

【Emily】藍屋辦寶牒製作工作坊拋牒賽

【明報專訊】新春將至,灣仔藍屋今年聯同聖雅各福群會社區中心,喺大年初五(2月2日)舉辦許願寶牒製作工作坊,由中心義工帶領市民自製許願寶牒,仲可以喺藍屋建築物群空地參與「拋寶牒大賽」,藉此祝願大家心想事成。

工作坊同拋寶牒大賽會喺大年初五上晝11點至下晝1點、下晝兩點至5點舉行,每節10人,費用全免,製作時間約15至20分鐘。另外,香港故事館同石水渠街街坊代表組成「石水渠街春茗籌委會」籌備新春慶祝活動,包括同藍屋好鄰居設計師合作佈置新年場地。

居住黃屋嘅設計師Alize同Kevin利用回收汽水罐整咗幅紅底白字嘅藍屋橫額,藍屋居民兼設計師Nick Tsao就用紅色LED燈線設計成寓意「福到」嘅倒「福」字。石水渠街街坊共同製作咗過百個新年風車花燈,掛喺藍屋建築物群空地,而香港故事館編織義工就整咗幅共有921格嘅蛇年藍屋卡通大型手織品,亦喺藍屋建築物群空地上展出。

相關字詞﹕

上 / 下一篇新聞