港聞

港聞二

【Emily】東岸板道西段周日開 堅城通北角

【明報專訊】農曆新年有新嘅好去處喇!全長2.2公里、耗資17億元建造嘅北角東區走廊東岸板道,當中1.1公里長嘅西段已完成,將喺禮拜日(26日)朝早6點起開放,畀市民步行、緩步跑同踩單車。

西段貫通東岸公園主題區同北角海濱花園,標誌住港島北海濱由堅尼地城連貫到北角,全長11公里。呢段板道嘅特色之一係首次喺維港引入開合橋同轉盤橋,有需要時畀船進入近岸水域。

至於板道東段,即係接駁至鰂魚涌海裕街嘅一段,預計下半年陸續完成。東岸板道全面開放後,堅尼地城至筲箕灣嘅海濱就打通。

喺噚日嘅東岸板道西段開幕禮,海濱事務委員會主席何文堯話東岸板道係港島北岸最後一塊拼圖,亦係海濱發展重要里程碑,係政府、海濱事務委員會同公眾經過10多年討論,平衡社會各方意見而建成,過程唔簡單。

上 / 下一篇新聞