港聞

港聞二

【Emily】競委會推中小企資訊站 助了解競爭法

【明報專訊】競爭事務委員會早前委託獨立研究公司,調查咗1000個市民同600間企業,了解佢哋對《競爭條例》嘅認知程度同企業嘅合規情况;超過七成受訪者認為,條例同佢哋作為消費者或者同佢哋嘅業務都息息相關,並認同條例確保咗業內公平競爭,有助打擊反競爭行為。超過八成企業普遍對條例有基本認識,亦知道競委會處理過嘅個案,但對條例嘅深入了解,以及喺合規工作方面仍有改進空間,只有不足四分之一中小企有制定相關合規計劃或培訓。

不足25%中小企制定合規計劃

競委會噚日開始推出「中小型企業競爭法合規資訊站」,協助企業掌握條例重點,按需要制定合規策略減低違法風險。

網站分4個部分,包括以現實情境嘅虛構示例闡述條例;評估中小企日常運作可能面對嘅反競爭風險,給予應對建議;協助中小企辨識及應對可能遇到嘅反競爭行為;以及鼓勵中小企參考「競爭法合規計劃範本」,按業務需要調整內部政策。

相關字詞﹕

上 / 下一篇新聞