港聞

港聞二

【Emily】2024成全球及香港有紀錄最暖一年

【明報專訊】氣候變化問題備受關注。天文台噚日話,世界氣象組織確認2024年係全球有紀錄以來最暖嘅一年,去年全球表面平均溫度較工業化前水平高出約1.55℃,係首個年份超越1.5℃水平。

天文台又話,隨住溫度上升,全球平均海平面去年繼續上升,年內南極及北極嘅海冰覆蓋範圍持續遠低於平均水平,全年最低值分別係衛星紀錄嘅第二低及第七低。

至於香港,2024年同樣係有紀錄以來最暖嘅一年,天文台話全年11個月比正常溫暖,全年平均氣溫24.8℃,較1991至2020年正常值高1.3℃;全年平均最低氣溫22.8℃、平均最高氣溫27.3℃,分別係自1884年有紀錄以來最高及第二高。

相關字詞﹕

上 / 下一篇新聞