【明報專訊】港鐵今個月12日（周日）起將發售蛇年賀年車票套裝，售價120元，乘客喺大年初一（1月29日）可憑飛全日無限次坐港鐵、輕鐵、港鐵巴士同港鐵接駁巴士。一套兩款嘅賀年車票由本地漫畫家利志達設計，重新演繹另一本地漫畫家王司馬喺1970、80年代創作嘅漫畫人物《牛仔》（圖一）。另一款賀年車票由港鐵前建築師區傑棠題字創作，印上一個「蛇」字（圖二），而每套套裝附有8個寫有「平安大吉」嘅利市封，背面印有《牛仔》頭像，仲有一個票套。
有興趣市民可以喺1月12日起，於港鐵網上商店、金鐘站及西九龍站門市，以及各港鐵客務中心購買。大年初一當日，除咗機場快線、高鐵、東鐵線頭等、羅湖、落馬洲及馬場站外，憑賀年車票可免費任坐本地各路線。